Alaɣi
I merra tarwa d yessis n wegdud Arifi di tmura n barra.
I merra ulawen iddren ittbeddan aked tseqqar n wemdan.
I yenni d tinni ittbeddan akd tɣawsa n Arrif tanrzafut

Awerni ulaɣi i d-ggin aytmatneɣ inecraf Irifiyen, zi jaj n yebniqen n unegraw Amexzani Amsnuḥyu, i merra (t)imeɣnas, iḥirakiyen d wegdud n Arrif di Dyaspura ḥuma ad tettwagg ict tecli d tagdudant tawruppit di Paris ass n 26 Kṭuber adu uzwel :"Arrif : jar ẓẓeyyar Amexzani, d useɣdi n iger agraɣlna?!!" i d-yettasen aked wektay wiss kraḍ n tmettant n Muḥsin Fikri tuɣa yellan d lesbab n Lḥirak Arifi agdudan.
Alaɣi-ya yettas-d deg waddad n wesqar n lmexzen unṣib d imeddukal-nnes xef tɣawsa n inecraf aked usugi aɛeffan x Arrif d ufuɣ zi tɣawsiwin-nnes tinezrfanin.
Tus-d ɛawed awarni taɣtast amezruyan n inecraf-nneɣ ḥuma ad kksen tanamurt n uwanek n lmexzen war neɛmen ca s tɣuni n lbayɛa taqburt, Bla ma ad nettu tikkest x macca i di yuḍen inecraf : Karim Amɣar, Ɛimad Aḥidar d Rabiɛ Lablaq.
X manaya, Tagrawt n usujed i tecli-ya taɣensant deg webrid n Lḥirak agdudan d tɣawsa n inecraf isertanen, tetetter zzay-wem ad teḥḍarem di tecli-ya.
26 Kṭuber 2019b
Zi 14H ar 20H
Zi place de la Bastille ar place de la république
Awarni wawaḍ n tecri ɣer place de la république iggur ad m yili din ijjen wegraw d ameqqran.
D tamrarut zzayneɣ i ulaɣi-ya, d asiɣi i lḥirak-nneɣ agdudan ar ɣa-yilint merra tutriwin n imezdaɣ-nneɣ di Arrif, ad kksen aserdes d usnufsel n marra inecraf-nneɣ isertanen zi tegrawt n usujed.