TLAXCALA تلاكسكالا Τλαξκάλα Тлакскала la red internacional de traductores por la diversidad lingüística le réseau international des traducteurs pour la diversité linguistique the international network of translators for linguistic diversity الشبكة العالمية للمترجمين من اجل التنويع اللغوي das internationale Übersetzernetzwerk für sprachliche Vielfalt a rede internacional de tradutores pela diversidade linguística la rete internazionale di traduttori per la diversità linguistica la xarxa internacional dels traductors per a la diversitat lingüística översättarnas internationella nätverk för språklig mångfald شبکه بین المللی مترجمین خواهان حفظ تنوع گویش το διεθνής δίκτυο των μεταφραστών για τη γλωσσική ποικιλία международная сеть переводчиков языкового разнообразия Aẓeḍḍa n yemsuqqlen i lmend n uṭṭuqqet n yilsawen dilsel çeşitlilik için uluslararası çevirmen ağı la internacia reto de tradukistoj por la lingva diverso

 26/02/2017 Tlaxcala, the international network of translators for linguistic diversity Tlaxcala's Manifesto  
English  
 EUROPE 
EUROPE / Tettwakkes tlelli n tiddit: wid ad idafɛen ɣef unezwu ur testeṛḥeb ara yes-sen Fṛansa
Date of publication at Tlaxcala: 04/11/2015
Original: Libre circulation suspendue : les défenseurs du climat ne seront pas les bienvenus en France pour la COP 21
Translations available: Ελληνικά  Español  Italiano  English 

Tettwakkes tlelli n tiddit: wid ad idafɛen ɣef unezwu ur testeṛḥeb ara yes-sen Fṛansa

Sophie Chapelle

Translated by  Omar Mouffok عمر موفق

 

Anabaḍ (lḥukuma) n Fṛansa la d-yessewjad ad yeḥṛes taɛessast ɣef tlisa-nnes i tallit n wayyur, deg wakud-nni aydeg ad yili Usarag Agraɣlan ɣef Unezwu (climat) deg Paris. Aḥezzib-a yettwaddem « deg tegnit aydeg yella umihi d ameqran i tɣellist tanagdudt (sécurité publique) d tin n daxel tmurt ». Maca, la d-yettban dakken iswi netta d argal n ubrid i tmetti taɣarimt (société civile) akken ur tettewliwil ara, dɣa aṭas seg tmagliwin (délégations) ad d-yasen seg tmura n unẓul (sud) mlalent-d uguren akken ad tent-id-tṣaḥ lviza.

Seg wass n 13 Nwembeṛ d asawen, imdanen imeɣnasen d tmetti taɣarimt (société civile) ay yettnaɣen i lmend n unezwu (climat) ur testeṛḥib ara yes-sen Fṛansa. Asarag agraɣlan ɣef unezwu ad d-yilin deg Paris deg tgara n Nwembeṛ ad d-yili ddaw tɛessast d tameqrant ɣef tlisa tiɣelnawin. Deg wayyur-nni, ad teḥbes tiddit tilellit n medden deg Tdukli Tuṛufit. « Basta! » yeɣli-d gar yifassen-nnes yiwen n lkaɣeḍ n yiduba ifṛensisen ay d-yessuffeɣ Useqqamu n Tdukli Tuṛufit i lmend n « yiriri uɛḍil n ussefqed ɣef tlisa gar Biljik, Luxembourg, Lalman, Sswis, Ṭṭalyan d Spenyul i lmend n Usarag ɣef Unezwi COP 21 ». Iḥezziben-a yeffɣen i leɛwayed ad ttwasfeɛlen seg 13 Nwembeṛ d asawen neɣ snat n ledwaṛ uqbel ma yebda-d usarag-nni, yerna ad ttwakksen ass n 13 Dujembeṛ, 2 n wussan deffir ma ifuk usarag-nni, ɣef wakken ay d-yebder lkaɣeḍ-nni swadda-a [1] :

 

« Tuggza* [menace] taweɛṛant i ummizwer anagdud »

Anabaḍ yesseqdec amagrad wis 23 n lqanun n tlisa n Schengen ay yefkan azref i yiwanaken (ddulat) yettekkan (deg Tdukli Tuṛufit) ad ɛawdent ad d-rrent assefqed ɣef tlisa tidaxliyin i tallit yettwalessen -30 n wussan, ma aṭas- « deg tegnit n tuggza taweɛṛant i ummizwer anagdud neɣ tuggza i tɣellist tadaxlit ». Tikkelt taneggarut aydeg yesseqdec unabaḍ afṛensis aḥezzib-a tella-d deg 2012 asmi ay d-tella temlilit n G20 deg temdint n Cannes. Pulunya terra-d daɣ assefqed ɣef tlisa seg leɛḍil deg 2013, i lmend n usarag agraɣlan ɣef unezwu (climat) ay d-yellan deg  Warṣu.

« Seg wasmi ay yettwassefɛel lqanun n tlisa deg 2006, akk liḥalat n yiriri n ussefqed n tlisa llant-d i lmend n uḥezzeb i rrebrab, tajrimt neɣ i lmend n tɣawsiwin n tɣellist (laman) yeqqnen ɣer ummager n temliliyin tigraɣlanin neɣ tidyanin tinaddalin », ɣef wakken ay d-yenna uɣmis n Le Monde. Laurent Fabius, aneɣlaf n tɣawsiwin n uzɣar yerna d aselway n usarag n COP 21, ixebber-d, seg melmi kan, dakken azal n 80 n yiɣfawen n uwanak (chefs d’État) neɣ n unabaḍ ad iḥedṛen deg usarag-nni. D acu ay yugad, deg tidet, uɣlif n tɣawsiwin n daxel imi ay yefren ad yesseqdec ttawil am wa? « Ugaden takriḍt (violence) », ɣef wakken ay d-yerra yiwen n yimḍebber unnig n temsulta (police) taɣelnawt deg tnegga (agence) n telɣa n AEF, d takriḍt ay izemren ad d-tili sɣur « yiḥedren iberkanen » d yiwet n « tegrawt tameẓyant n ‘yizadiyen’ ay izemren ad adfen gar-asen » [2]. Aneɣlaf werɛad ur d-yerri ara ɣef tuttra n Basta!

Aṭas umi ugin lviza

Aṭas n tɣawsiwin ay la d-yemmalen dakken iḥezziben-a yeffɣen i leɛwayed ḥukṛen, ladɣa, timetti taɣarimt (société civile) d yimeɣnasen n unezwu (climat). Tamsisit n Unezwu 21 (Coalition climat 21) aydeg ttekkant 130 n tuddsiwin tekcef-d awɛaṛ ay yewɛeṛ ad d-awin lviza yigiman (luluf) n yimdanen ay yebɣan ad d-asen seg tmura n unẓul (sud). Kra seg wid ay yessutren lviza, ugin ad asen-tt-id-fken, yerna issutren niḍen la ttɛeḍḍilen akken ad d-rren fell-asen. « Timuhal (ambassades) la d-ssuturen lekwaɣeḍ yemgerraden, gar-asen tibṛatin n uneɛruḍ, yerna nura-asen tibṛatin-a, maca ssuturen-asen-d daɣ ad d-fken ttbut dakken zemren ad xellṣen amesni-nsen (transport) », ɣef wakken ay d-tenna Juliette Rousseau, taneṭṭaqt n temsisit-nni. « Ass-a, d aselway n tiddukla n Attac Togo umi ugin lviza. Ufan-as-d ssebba dakken ṛṛwaḥ-nnes (ɣer Fṛansa) ur yesɛi ara iswi! » « (Aselway-a) teɛreḍ-it-id Temsisit am wakken ay t-id-teɛreḍ tiddukla n Attac deg Fṛansa, yerna nnant-d dakken d nitenti ad iṣerrfen ɣef tɣimit-nnes deg Fṛansa », ɣef wakken ay d-twekked Jeanne Planche, tasemyuddast (coordinatrice) n tiddukla n Attac.  

Tisin i uḥdaṛ n usarag n COP 21 ur d-yettkafi ara akken ad yesseqneɛ timuhal (ambassades)? « Nezmer ad neg tuccḍiwin, ɣef wakken ay d-yenna uɣlif n tɣawsiwin  uzɣar i Basta! [3] D acu kan, ur nebɣi ara ad ttekkin aṭas n medden seg tmetti taɣarimt (société civile) menɣir wid umi yettunefk ttesriḥ ». S waya, aɣlif afṛensis n tɣawsiwin n uzɣar yeddem aḥezzib « uzzig » (spécial) i yimttekkiyen umi yefka ttesriḥ, ladɣa wid ay yeḥwaǧen lviza akken ad d-asen ɣer Fṛansa [4]. D acu kan, newwi-d isali sɣur yiwet n teɣbalut (source) tadiplumatit, dakken yella-d ussemgerrad gar yimḍebbren ay yesɛan apaspuṛ adiplumati yerna qqnen ɣer uɣlif n tɣawsiwin n uzɣar, d wakk issutren niḍen ay yeqqnen ɣer  uɣlif n tɣawsiwin n daxel. « Nekkni d tasenduqt kan n tebṛatin », ɣef wakken ay d-yenna uɣlif afṛensis n tɣawsiwin n uzɣar.

Tukkist seg tebṛat n uxebber ɣef tagayt n tukci n lviza

Amedya niḍen ay nezmer ad t-id-nefk ɣef waya d win n Mouhad Gasmi, d yiwen seg wudmawen yettwassnen deg yimenɣi mgal lgaz n usgin (schiste) deg Ldzayer, yerna temlal yid-s Basta! Ass n 21 Tubeṛ, yedda ɣer tqenṣulit tafṛensist deg Ldzayer Tamaneɣt, yerna yewwi yid-s aneɛruḍ n Temsisit n Unezwu 21 (Coalition Climat 21) akken ad yessuter lviza. Taqenṣulit tefka-as-d ttiɛad maca… i wass n 5 Yennayer 2016, anamek-nnes ayyur deffir ma ifuk Usarag n COP 21! [5]« Anabaḍ (lḥukuma) yeḍmen ad yessifses ttesriḥat i tuddsiwin timaslaḍin (organisations membres). Maca la ttgen akk ayen umi zemren akken ad sneqsen amḍan (nombre) n yimdanen ad d-yasen ɣer Paris, ɣef wakken ay d-tenna Juliette Rousseau. Anabaḍ la iferren timetti taɣarimt (société civile) ad yettekkin deg tqacuct-a tunṣibt ». Yerna afran-a ad yeḥṛes ugar asmi ad d-yuɣal ussefqed ɣef tlisa tifṛensisin, ama d tid n wakal neɣ d tid n yigenni.

 

Mohad Gasmi (da deg FSM 2015 deg Tunes Tamaneɣt). Tugna n Olivier Tétard

 « Reẓmet Paris i umaḍal! »

Ugur niḍen ay yerzan tamsalt-a: anabaḍ (lḥukuma) d tselwayt n tɣiwant n Paris werɛad ur tt-id-frin ara ɣef tnusi n yigiman-nni (luluf) n wid ad yettekkin. Tamsisit n Unezwu n 21 (Coalition Climat 21) teḍḍef-d « ugar n 10.000 n yissutren » ay d-yekkan sɣur yigensasen (représentants) n tmetti taɣarimt (société civile). « Taswiɛt-a, amɣiwan (communauté) n Plaine Commune iṛeggem-aɣ 1000 n yimukan, maca xuṣṣen 9000 n yimukan n tnusi! », ɣef wakken ay d-tenna Juliette Rousseau. « Timazdayin (collectivités) la aɣ-d-ttarrant dakken ur zmirent ara ad ssensent lɣaci ɣer-sent imi imukan-nsent ucriken ttwaheyyan-d yagi i tefranin timnaḍanin (régionales) ». Tuzzya tamezwarut n tefranin ad d-tili ass n 6 Dujembeṛ, maca ur nezmir ara ad nefhem maɣef imukan-a ur ttilin ara wejden i tnusi deg wussan niḍen…

Tettwazen i yiwet n tebṛat ireẓmen i tselwayt n tɣiwant n Paris, Anne Hidalgo, s uzwel (titre) n « Reẓmet Paris i umaḍal! » yerna tger-d tiɣri i tselwayt-a akken « ad d-tessewjed war leɛḍil imukan i tnusi i wid ad yettekkin seg Temsisit n Unezwu 21 yerna ad d-asen seg tuddsiwin n tmetti taɣarimt n wakk timnaḍin n umaḍal ». Deg tezwara n Ctembeṛ, iwekked-d François Hollande dakken rrbeḥ n usarag n Paris yeqqen ɣer « tezmert, lebɣi n yiwanaken (ddula), d ljehd n yiɣerfan d yimussa (mouvements) ». Maca anabaḍ n Hollande la d-yessewjad iman-nnes ad qmeḍ « lǧehd »-a.  Ussan-a, mi d-yeqqim ddaw wayyur akken ad yebdu usarag-nni, tuddsiwin n tmetti taɣarimt ttwalint dakken anabaḍ afṛensis ur yebɣi ara ad tent-yerr d tacrikt deg temsalt n unezwu (climat).

Tinqiḍin

[1] Sit da akken ad d-tzedmed lkaɣeḍ-nni (s tefṛensist) s wumuɣ n yimukan aydeg yella ttesriḥ n uɛeddi.

[2] Nerna-d isali-a ass n 30 Tubeṛ 2015 ɣef 5s30 n tmeddit.

[3]  Nerna-d isali-a ass n 29 Tubeṛ 2015 ɣef 3s30 n tmeddit, mi aɣ-d-rran sɣur uɣlif (ministère).

[4] Ẓret ttfaṣil n tsekkirin-a (procédures) da, yerna ssersen-tent-id deg Internet deffir ma yeffeɣ-d umagrad n Basta !.

[5] Mi txebber Basta ! aɣlif n tɣawsiwin n uzɣar ɣef kra seg yimdanen-nni umi ugin ad d-fken lviza, ixebber-aɣ-d uɣlif ass n 30 Tubeṛ taṣebḥit dakken « snat-a n liḥalat lhan-d yid-sent akken ad tent-frun ».

 





Courtesy of Tlaxcala
Source: http://www.bastamag.net/Le-gouvernement-francais-instaure-le-controle-aux-frontieres-pour-sa-conference
Publication date of original article: 29/10/2015
URL of this page : http://www.tlaxcala-int.org/article.asp?reference=16363

 

Tags: Asarag n Unezwu COP 21Aḥṣin n TuṛuftTilelli n tidditFṛansa Tuṛuft Yeddukklen
 

 
Print this page
Print this page
Send this page
Send this page


 All Tlaxcala pages are protected under Copyleft.