TLAXCALA تلاكسكالا Τλαξκάλα Тлакскала la red internacional de traductores por la diversidad lingüística le réseau international des traducteurs pour la diversité linguistique the international network of translators for linguistic diversity الشبكة العالمية للمترجمين من اجل التنويع اللغوي das internationale Übersetzernetzwerk für sprachliche Vielfalt a rede internacional de tradutores pela diversidade linguística la rete internazionale di traduttori per la diversità linguistica la xarxa internacional dels traductors per a la diversitat lingüística översättarnas internationella nätverk för språklig mångfald شبکه بین المللی مترجمین خواهان حفظ تنوع گویش το διεθνής δίκτυο των μεταφραστών για τη γλωσσική ποικιλία международная сеть переводчиков языкового разнообразия Aẓeḍḍa n yemsuqqlen i lmend n uṭṭuqqet n yilsawen dilsel çeşitlilik için uluslararası çevirmen ağı la internacia reto de tradukistoj por la lingva diverso

 23/08/2017 Tlaxcala, the international network of translators for linguistic diversity Tlaxcala's Manifesto  
English  
 UNIVERSAL ISSUES 
UNIVERSAL ISSUES / Tiɣri i webdad ɣer yidis n Legrig ay yekkaten s nettat, s Tseqqamut-nnes i Tidet ɣef ḍḍlaba tanagdudt akken ad yesɛu weɣref azref ad ideqqeq deg ḍḍlaba-nnes
Date of publication at Tlaxcala: 08/05/2015
Original: Llamamiento en apoyo de la Grecia que resiste y su Comisión de la Verdad sobre la Deuda Pública
Translations available: عربي  Français  Català  English  Português  Italiano  Deutsch  فارسی  Русский  Ελληνικά 

Tiɣri i webdad ɣer yidis n Legrig ay yekkaten s nettat, s Tseqqamut-nnes i Tidet ɣef ḍḍlaba tanagdudt akken ad yesɛu weɣref azref ad ideqqeq deg ḍḍlaba-nnes

Various Authors - مؤلفين مختلفين - Auteurs divers- AAVV

Translated by  Omar Mouffok عمر موفق

 

I yiɣerfan (ccuɛub) n Tuṛuft d umaḍal s lekmal-nnes,

 
I wakk wid ed tid ay ugin tasertit n cceḥḥa yerna ugin ad xellṣen ḍḍlaba tanagdudt ay aɣ-ixenqenhttp://tlaxcala-int.org/upload/gal_10172.jpg yerna uwyen-tt-id war ma cawṛen-aɣ yerna mgal nnfeɛ-nneɣ.
 
Nekkni, s wid yestenyan tiɣri-a, nebded ɣer yidis n weɣref agrigi ay igan tafrant ass n 25 Yennayer 2015 akken ad yili d netta ay d aɣref amezwaru deg Tuṛuft d ugafa n umaḍal ara yagin tisertiyin n cceḥḥa s yisem n uxelleṣ n ḍḍlaba tanagdudt ay d-uwyen « wayt ufella » war ma cawṛen aɣref yerna mgal nnfeɛ n weɣref. Seg yidis niḍen, nettwali dakken assebded n Tseqqamut i Tidet ɣef ḍḍlaba tanagdudt n Legrig s ṛṛay n Tselwayt n Wemni agrigi, d tadyant tamezruyant ay yesɛan azal d ameqran maci ala i weɣref kan agrigi wanag i yiɣerfan akk n Tuṛuft ed umaḍal!
 
Taseqqamut-a llan deg-s yiɣermanen ed tɣermanin iwiziwen ay d-yusan seg wakk timiwa n umaḍal, yerna ad d-ilin wid ara igen aya deg tmura niḍen. Ad d-yili waya acku ugur n ḍḍlaba yella-d d axeṣṣar ay iḥuzan qrib akk timura n Tuṛuft d umaḍal. Tin yernan ɣer-s, llan ass-a yilemyunen n yiɣermanen ay yebɣan ad fehmen (yerna sɛan lḥeqq deg waya) tilufa ay yeqqnen ɣer ḍḍlaba-a:
 
 

« Anda ay d-ggran yedrimen ay d-yettwareḍlen, d acu-ten ccuruḍ ayyes ay d-ttwareḍlen yedrimen-a? Acḥal n lfayda ay yettwaxellṣen ɣef yedrimen-a, d acu-t ufmiḍi n lfayda, acḥal ay nerra yagi seg ḍḍlaba-nni? Amek ay terna ḍḍlaba war ma yesfaydi-d weɣref? D acu n webrid ay yeḍfer ṛaselmal? D acu umi yettwasseqdec ṛaselmal-nni? Acḥal ay yettwakren, anwa ay t-yukren ed wamak?

 

 

Daɣ: anwa ay d-ireḍlen yerna s yisem n wanwa? Anwa ay ireḍlen yerna d acu-t dduṛ-nnes? Amek ay d-yufa uwanak (ddula) iman-nnes deg tegnit-a, d acu-t ṛṛay ay t-yejjan ad yili akka, s yisem n wacu ay iga aya? Amek ay teqqel ḍḍlaba tusligt d ḍḍlaba « tanagdudt »? Anwa ay d-yebdan isenfaren ur iwatan ara, anwa ay yesseddan tiɣawsiwin deg wanect-a, anwa ay ifuṛsen seg waya? Llant-d tuffɣiwin i lqanun ed tejrimin s yedrimen-a? Maɣef ur nettnadi ara ad d-naf wid ay yeffɣen i lqanun? »
 
Timsal-a akk ad tessukk fell-asent tiṭ s udeqqeq Tseqqamut tusligt ay d-yettwasbedden s ṛṛay n Tselwayt n Wemni agrigi. Taseqqamut-a tettunefk-as-d lewṣaya tunṣibt akken « ad d-tejmeɛ akk isefka yeqqnen ɣer unnulfu d temɣer iɛeddan i tlisa n ḍḍlaba-a tanagdudt yerna isefka-a ad ttwaselḍen s udeqqeq yerna s webrid ussnan akken ad d-iban umur yellan d ḍḍlaba yeffɣen i lqanun neɣ tin ur yettwaqbalen, ama d tin ay d-yellan deg tallit n Tesmektayin seg Mayu 2010 ɣer Yennayer n 2015, neɣ d tid ay d-yellan deg yiseggasen yezwaren tallit-nni. Taseqqamut-a yessefk daɣ ad d-tessuffeɣ tilɣa timdeqqeqin, d tid ara zemren ad tent-fehmen akk medden yerna zemren ad tent-afen, yessefk ad d-tessefham tiseɣra tinagdudin, ad d-tessaki aɣref agrigi d tmura n umaḍal ed ṛṛay agraɣlan, yerna ad d-taru ifukal i lmend n ussuter n ussebṭel n ḍḍlaba-a ».
 
Nettwali dakken yal aɣerman yesɛa azref akken ad yetter yerna ad yessuter tiririyin ɣef tuttriwin am ti yerna aya d azref amegday n llsas. Nettwali daɣ dakken win ara yagin ad d-yerr ɣef tuttriwin-a yenkeṛ tugdut yerna yugi tafrawant n wayt ufella ay d-yesnulfan « anagraw n ḍḍlaba » akken ad qqlen yimeṛkantiyen d imeṛkantiyen ugar, ma d igellilen d igellilen ugar. Tin ay tent-yugaren: nettwali dakken mi ara nesseḥbiber ɣef umunupul-nsen akken ad ttḍebbiren ɣef tudert n tmetti, ayt ufella ḥeṛmen amur ameqran n yiɣermanen ed tɣermanin seg uzref-nsen akken ad ddmen ṛṛay ed wezref-nsen n uḍebber deg tudert-nsen d tudert n talsa!
 
Ɣef waya, deg tegnit-a n tuɛjilin, nger-d tiɣri i wakk tiɣermanin ed yiɣermanen, umussa inmettiyen, iẓeḍwan ed yimussa n uḥuddu n twennaḍt ed tsednan, inmula (ssandikat) n yixeddamen ed tegrawin tisertiyin ur yeddin ara ed Tuṛuft-a tanyulibiṛalit ay la yettajjan tugdut ed telsaẓri:
 
Sseknet-d abdad-nwen ɣer yidis n Legrig ay ibedden yerna tettɛawan Taseqqamut i Tidet ɣef Ḍḍlaba tanagdudt n Legrig ed uxeddim i lmend n unadi ɣef umur yeffɣen i lqanun n ḍḍlaba-a.
 
Ḥuddet Taseqqamut-a mgal tummɣiwin ay d-yellan fell-as sɣur akk wid ay yebɣan, ama deg Legrig, ama deg umaḍal, ad teqqim tidet n « unagraw n ḍḍlaba » teffer.  
 
Ttekkit s tidet deg uxeddim n udeqqeq ay ttgen yiɣermanen ɣef ḍḍlaba, d axeddim ay la d-yettilin deg wakk timura n Tuṛuft ed tmiwa niḍen n umaḍal.
 
Cerket deg yiẓeḍwan abdad-nwen ɣer yidis wid ay la yettgen aya, acku ala d abdad-a ed temsetlelt tagraɣlant ara izemren ad sxeṣren leḥsabat n yinezmaren ay yebɣan ad xenqen Legrig ay la yettnaɣen mgal yicenga-nneɣ (iɛdawen) ucriken: tisertiyin n cceḥḥa ed ḍḍlaba ay aɣ-ixenqen!
 
Axṣim yesɛan ttejṛiba, yeddukkel, iṣeggem lecɣal-nnes, iselleḥ s tezmert iɛeddan i tlisa yerna iɛewwel ad yennaɣ arma d ḍḍerf mgal-nneɣ akken ma nella, ula ma d nekkni ay d tigti tameqrant deg tmettiyin-nneɣ, axṣim am wa ur nezmir ara ad t-nqabel yal wa seg yidis-nnes.
 
Yessefk ihi ad nesdukkel iɣallen-nneɣ deg yiwen n umussu ameqran n temsetlelt ɣer yidis n Legrig ay ibedden deg wudem n lbaṭel, yerna yessefk ad nɛawen Taseqqamut i Tidet ɣef Ḍḍlaba tanagdudt n Legrig s ussugget n tseqquma n udeqqeq deg ḍḍlaba deg wakk imukan anda ay yezmer ad d-yili waya.
 
Imenɣi n weɣref agrigi d imenɣi-nneɣ yerna tarennawt-nnes ad tili d tarennawt-nneɣ imi ala d tadukli-nneɣ ara aɣ-yejjen ad nejhed.
 
Akken ad testenyim, sitet da:

 







Courtesy of اللجنة تقصِّي الحقَائق في دُيونه العُموميَّة
Source: http://greekdebttruthcommission.org
Publication date of original article: 05/05/2015
URL of this page : http://www.tlaxcala-int.org/article.asp?reference=14627

 

Tags: LegrigTuṛuft
 

 
Print this page
Print this page
Send this page
Send this page


 All Tlaxcala pages are protected under Copyleft.